Huisgenoot-verjaardagvasvra: Wat weet jý van 20 Mei?

Die eerste Europeër ooit het in 1498 daarin geslaag om om die suidpunt van Afrika tot by Indië te seil en het op 20 Mei in die stad Kozhikode aangekom. Wat was sy naam?

Bartolomeu Dias

Vasco da Gama

Prins Hendrik die Seevaarder

Daar is drie keer op 20 Mei lugvaartgeskiedenis gemaak. Watter gebeurtenis hieronder het egter NIE op 20 Mei plaasgevind nie?

Die Wright-broers het in 1903 die eerste suksesvolle vliegtuigvlug ooit onderneem, naby Kitty Hawk in Noord-Carolina, Amerika.

Charles Lindbergh het in 1927 in New York opgestyg op pad na Parys – die eerste direkte vlug ooit oor die Atlantiese Oseaan.

Amelia Earhart was in 1932 die eerste vrou ooit om ’n direkte vlug oor die Atlantiese Oseaan te onderneem – van Newfoundland in Kanada na Londonderry in Ierland.

Die Amerikaanse lugredery Pan American het in 1938 ’n vlug na Parys onderneem – die eerste gereelde passasiersdiens oor die Atlantiese Oseaan.

Seker die bekendste ruimteteleskoop nog het op 20 Mei 1990 sy eerste foto’s Aarde toe gestuur. Wat is die naam van dié teleskoop, wat steeds in die ruimte doenig is?

Hubble

Curiosity

Explorer

20 Mei 1983 word as een van die bloedigste dae in die onlangse Suid-Afrikaanse geskiedenis onthou, toe 19 mense dood en 27 beseer is nadat ’n kragtige motorbom in Pretoria ontplof het. In watter Pretoriase straat het die ontploffing plaasgevind?

Kerkstraat (nou W.F. Nkomo)

Van der Waltstraat (nou Lilian Ngoyi)

Prinsloostraat (nou Sisulu)

Die sangeres en aktrise Cher verjaar saam met Huisgenoot en is vandag 71 jaar oud. Sy het in 1988 ’n Oscar as beste aktrise gewen – vir watter fliek?

Moonstruck

Mermaids

Silkwood

Die eerste gevangenes het op 20 Mei 1940 by ’n berugte nuwe Nazi-konsentrasiekamp aangekom. Wat is die naam van die kamp?

Auschwitz

Dachau

Treblinka

�n Kledingstuk wat vandag nog gewild is, is op 20 Mei 1873 gepatenteer. Watter kledingstuk is dit?

Jeans, oftewel blou denimbroeke met koper-klinknaels

Dasse wat met Windsor-knope geknoop kon word

Mansgordels, wat kruisbande begin vervang het

�n Bekende Britse fietsryer wat in Kenia en Suid-Afrika grootgeword het, is op 20 Mei 1985 gebore. Sy naam is Chris, wat is sy van?

Froome

Wroom

Impey

Ons bly by fietsry: die sangeres Sheryl Crow het op 20 Mei 2005 haar verhouding met ’n bekende en later berugte fietsryer verbreek. Wie was dit?

Lance Armstrong

Bradley Wiggins

Greg LeMond

Op 20 Mei 1884 het Dinuzulu op 16 jaar oud sy bekende pa as koning van die Zoeloes opgevolg. Wat was sy pa se naam?

Cetshwayo

Shaka

Dingane

Op 20 Mei 1983 het die eerste artikel oor die ontdekking van ’n gevaarlike nuwe virus wat die wêreld op hol gehad het, in die tydskrif Science verskyn. Watter virus is dit?

Ebola

MIV

Marburg

Die bekende Italiaanse ontdekkingsreisiger Christophorus . . . Is op 20 Mei 1506 in Spanje as ’n brandarm man oorlede.

Columbus

Cook

Drake

Op 20 Mei 1899 het ene Jacob German van New York die eerste motorbestuurder in die wêreld geword wat weens ’n spoedoortreding in hegtenis geneem is. Watter spoedbeperking het hy oortree?

15 km/h

20 km/h

30 km/h

Huisgenoot-verjaardagvasvra: Wat weet jý van 20 Mei?

More Quizzes